მანძილი: 7კმ (საფეხმავლო)
ხანგრძლივობა: 1 დღე
სირთულე: მარტივი
მთავარი ღირსშესანიშნაობები: კოლხური ტყე, ტბა და წაბლნარის ჩანჩქერი.
მარშრუტი ზღვის დონიდან 265-442 მ-ზე მდებარეობს და სოფ. ჩაქვისთავში ვიზიტორთა ცენტრიდან იწყება. ტურისტული მარშრუტი საფეხმავლოა. ბილიკი ორ მნიშვნელოვან ადგილს - ჩანჩქერსა და ტბას აერთიანებს.
ბილიკი მიუყვება მდინარე ჩაქვისწყლის ულამაზეს ხეობას. ვიზიტორთა ცენტრიდან 3.5 კმ-შია კოლხურ ბზასა და სუროში ჩაფლულ 15-მეტრიან ჩანჩქერს შეხვდებით. ჩანჩქერთან მოწყობილია სპეციალური საკემპინგე ადგილები. ჩანჩქერიდან 1 კმ-ის დაშორებით, კლდეებს შორის, მოედინება მდინარე, რომელიც ქმნის კალმახებით მდიდარ მორევს (ტბას). მდინარის ნაპირას განთავსებულია საპიკნიკე და ცეცხლის დასანთები ადგილი. ამავე ბილიკზე ვიზიტორებს შეუძლიათ ისარგებლონ ახალი ტურისტული ექსტრემალური სერვისით - 220-მეტრიანი ზიპლაინით. ვიზიტორები უსაფრთხოების მიზნით აღჭურვილები იქნებიან შესაბამისი ნივთებით (ღვედები და ჩაფხუტები). სერვისს კი კვალიფიციური გიდები გაუწევენ.
საკონტაქტო ინფორმაცია:
მტირალას ეროვნული პარკის ადმინისტრაცია
ტელეფონი: +995 577 10 18 89
ელ. ფოსტა: makharadze22@gmail.com
Facebook: www.facebook.com/MtiralaNationalPark