ძირითადი ღირსშესანიშნაობები:სოფელ ომალოს ისტორიული უბანი - კესელო, ეთნოგრაფიული მუზეუმი, ისტორიულ-არქიტექტურული ძეგლი; სოფელი დართლო თავისი ღირსშესანიშნაობებით: ტრადიციული სამართალწარმოების უნიკალური ძეგლი -საბჭეო (ტრადიციული სასამართლო), შუა საუკუნეების ქრისტიანული აკლდამა საყდრები, საბრძოლო კოშკები, ტრადიციული საცხოვრებელი ციხე-სახლები, არქეოლოგიური ზონა; სალოცავი სოფელ დანოში, კვავლოს საბრძოლო კოშკი და სოფლის არქიტექტურა.
მანძილი: 38 კმ.
ხანგრძლივობა: 2 დღე
სირთულე: საფეხმავლო, საცხენოსნო, საშუალო
მარშრუტი იწყება ვიზიტორთა ცენტრიდან და ომალოს გავლით ადის პირიქით-გომეწრის წყალგამყოფი ქედის უღელტეხილ – ღელეზე, საიდანაც კავკასიონის მთათა სისტემის ულამაზესი ხედები იშლება. უღელტეხილი ღელედან ბილიკი მიუყვება წყალგამყოფი ქედის ჩრდილოეთ ფერდობს დართლოს მიმართულებით. დართლოს შემდეგ კი მოინახულებთ სოფელებს -დანოს და კვავლოს და იგივე გზით დაბრუნდებით უკან ვიზიტორთა ცენტრში.
დღე 1:ვიზიტორთა ცენტრი - სოფელი ზემო ომალო - ომალოს ისტორიული უბანი - კესელო და ეთნოგრაფიული მუზეუმი - ქუე -უღელტეხილი ღელე - სოფელი დართლო. მანძილი 18 კმ. საშუალოდ 5-6 სთ.
დღე 2:სოფელი დართლო - სოფელი დანო - სოფელი კვავლო - სოფელი დართლო - უღელტეხილი ღელე - ქუე - ბუცეს ხედი - ვიზიტორთა ცენტრი. მანძილი 22 კმ. საშუალოდ 6-7 სთ.
ღამისთევა შესაძლებელია კარავში ან საოჯახო სასტუმროში სოფელ დართლოში.
საკონტაქტო ინფორმაცია:
თუშეთის დაცული ტერიტორიების ადმინისტრაცია
ტელეფონი: +995 577 10 18 92; +995 577 10 18 91;
ელ. ფოსტა: info@apa.gov.ge gio.bakuridze@gmail.com soporainauli@gmail.com
Facebook: თუშეთის ეროვნული პარკი/Tusheti National Park